Indikator 4.1.2 a Skjemaelement er identifiserte i koden

Korleis testar vi

Vi undersøker korleis skjemaelement er koda, og sjekkar om skjemaelement har ledetekst koda på ein av følgande måtar:

• med attributtet "aria-label"
• med attributtet "aria-labelledby", og at denne er kopla til annan tekst på sida
• kopla til eit <label>-element i koden
• ligg inne i eit <label>-element i koden eller
• med eit title-attributt

Deretter vurderer vi om ledeteksten identifiserer skjemaelementet, og om skjemaelementet må vere kopla til ein annan ledetekst for å gi meining.

Dersom skjemaelementet høyrer til ei gruppe av skjemaelement, undersøker vi vidare om det er gitt ledetekst til gruppa på ein av følgande to måtar:

1. Bruk av <fieldset> og <legend>
   • Ligg skjemaelementet inne i eit <fieldset>-element?
   • Ligg det eit <legend>-element inne i eit <fieldset>-elementet?
   • Er <legend> det første elementet som ligg inne i <fieldset>?
   • Blir skjemaelementet identifisert av innhaldet i <legend> saman med skjemaelementet sin ledetekst?
2. Bruk av WAI-ARIA
   • Ligg skjemaelementet inne i eit anna element med attributtet role="group"?
   • Har dette elementet attributtet "aria-label"?
   • Har dette elementet attributtet "aria-labelledby", og er dette kopla til annan tekst på sida (lenkekontekst)?
   • Blir skjemaelementet identifisert av innhaldet i dette aria-attributtet saman med skjemaelementet sin ledetekst?

Kva skal til for at kravet er oppfylt

Skjemaelement er kopla til ein ledetekst i koden. Dette kan gjerast på fleire måtar. Ledeteksten identifiserer skjemaelementet.

Dersom skjemaelementet høyrer til ei gruppe, er det i tillegg kopla til ein ledetekst som gjeld for gruppa. Ledeteksten identifiserer gruppa.

Kjelder

• Forstå suksesskriterium 4.1.2 (W3C, engelsk)
• G108: Using markup features to expose the name and role, allow user-settable properties to be directly set, and provide notification of changes (W3C, engelsk)
• H44: Using label elements to associate text labels with form controls (W3C, engelsk)
• H65: Using the title attribute to identify form controls when the label element cannot be used (W3C, engelsk)
• H71: Providing a description for groups of form controls using fieldset and legend elements (W3C, engelsk)
• H91: Using HTML form controls and links (W3C, engelsk)
• ARIA14: Using aria-label to provide an invisible label where a visible label cannot be used (W3C, engelsk)
• ARIA16: Using aria-labelledby to provide a name for user interface controls (W3C, engelsk)
• ARIA17: Using grouping roles to identify related form controls (W3C, engelsk)
• F68: Failure of Success Criterion 4.1.2 due to a user interface control not having a programmatically determined name (W3C, engelsk)
• F86: Failure of Success Criterion 4.1.2 due to not providing names for each part of a multi-part form field, such as a US telephone number (W3C, engelsk)